حلويات ام وليد حلوة بالزيت - وصفات

صابلي ام وليد بكمية كبيرة

صابلي ام وليد بكمية كبيرة

من مطبخ ام وليد جمعنا لكم..اكثرمن 20 وصفات مصورة لانجح وصفات صابلي ام وليد مكتوبة ,بسيطة واقتصادية وسهلة الحفظ ، كما تعلمون صابلي ام وليد يذوب في الفم وبكمية كبيرة ، سوف نقدم لكم انجح أنواع صابلي ام وليد 2024 مثل صابلي ام وليد بالشوكولاطة وصابلي ام وليد بالزيت مكتوبة وصابلي بالماء وصابلي ام وليد بالعسل و صابلي بريستيج وصابلي الحجاج وصابلي حلوة الدوامة والعديد العديد من الوصفات ، أريد التنويه فقط أنه لا يمكن وضع جميع الوصفات في صفحة واحدة لذلك في الأسفل سوف تجدين سهم لتحويلك للصفحة الموالية أو الصفحة السابقة ولا تنسي  ترك تعليق او إستفسار في صندوق التعليقات ..وبامكانكم ان تقوموا بمشاركتها مع صديقاتكم على الفايسبوك و باقي مواقع التواصل الإجتماعي  لتبقى محفوظة عندكم في صفحتكم .

تجدون  في هذا المقال  كل من 

صابلي ام وليد برستيج ،صابلي ام وليد حلوة الترك ، صابلي ام وليد بالسمن يذوب في الفم ، صابلي ام وليد 2024 ،صابلي ام وليد بالشكولاطة مكتوبة ،صابلي ام وليد حلوى بالقوفريط ،صابلي ام وليد بعجينة الصابلي، صابلي ام وليد بالزيت،صابلي ام وليد بالماء ،صابلي ام وليد  البومبينو،صابلي ام وليد  حلوة الترك والنيسلي ،صابلي ام وليد حلوى ببقايا الصابلي ،وفي  الأخير تجدون نصائح جد مهمة لنجاح الصابلي 

صابلي ام وليد  بالماء 

مقادير صابلي ام وليد بالماء

•  6 أشخاص
• 250 غ دهان
• كاس سكر
• ½ كاس ماء
• 1 خميرة الحلوى
• كاس زيت
• فرينة
• شوكولا
• سمسم
• كاوكاو مرحي

طريقة تحضير صابلي ام وليد بالماء

نحط الدهان نزيدلها زيت السكر والماء ونخلط جيدا حتى تصبح كريمي ونضيف الفرينة

و نشكلها بالطابع و ندخلها الفرن و تزيين اختياري 

صابلي ام وليد بالسمن يذوب في الفم 

مقادير صابلي ام وليد بالسمن يذوب في الفم

• كاس سمن طري على حرارة الغرفة
• كاس سكرڨلاص
• كاس نشاء
• بيضتين
• 1 فاني
• 1 خميرة الحلوى
• فرينة
• للتزيين
• مربى
• جوز الهند

طريقة تحضيرصابلي ام وليد بالسمن يذوب في الفم

في صحن نضع بيضتين وكاس سمن طري وفاني ونخلط بايدي نزيد عليه كاس نشاء وكاس سكر ڨلاص ونخلط بايدي

وبعدها نزيد فرينة وخميرة الحلوى ونخلط حتى نتحصل على عجينة طرية نفتح العجينة بالحلال ولكن نستعمل ساشي باش تجيني ساهلة كي نحطها في صينية

وبعد ما نفتحها نطبعها بطابع وردة او اي طابع عندكم انا خترت شكل الوردة ندهن صينية بالسمن ونحط الڨاطو تاعي يطيب

بعد مايطيب ندهنو بالمربى ونزين بالجوز الهند كما في الصورة

وبصحتكم 😍

صابلي ام وليد حلوة الترك

مقاديرصابلي ام وليد حلوة الترك

• 250 غ مارغرين
• 4 \1 كاس سكر رطب
• صفار بيضة
• 2 \1 كاس حلوة الترك او الشامية
• 1 خمارة
• فرينة

طريقة تحضير صابلي ام وليد حلوة الترك

نخلط جميع المكونات مع بعض حتي نتحصل على عجينة متماسكة

نطبع اي شكل نحبوه

نخلط كمية من المعجون مع حلوة الترك او الشامية ونلصق بيه الحلوى

نذوب الشكولاطة علي حمام مائي ونغلف الحلوى

التزيين اختياري

صابلي ام وليد حلوى بالقوفريط

مقاديرصابلي ام وليد حلوى بالقوفريط

• 250 غ مرغرين او زبدة
• 1/4 كوب زيت
• كوب الا ربع سكر ناعم
• كوب الاربع نشاء
• 1/4 كوب مكسرات مرحية اللي موجود عندكم
• ملعقة كبيرة كاكاو
• كيس خميرة الحلوى
• رشة ملح
• 2 بيض حجم كبير
• فرينة حسب الحاجة
• للتزين
• قوفريط بطعم الشكولا
• حبيبات الشكولا
• كمية من الشكولا عملت بيها خطوط من الشكولا

طريقة تحضير صابلي ام وليد حلوى بالقوفريط

اولا بسم الله الرحمن الرحيم وضعت في صحن جميع المكونات مع بعض الا الفرينة والخميرة اخر شيئ خلطتهم جيدا بالباتوغ حتى تحصلت على كريمة ثم ضفت المكسرات و الفرينة والخميرة حتى تحصلت على عجينة طرية وناعمة لونها بني

عملتها كور متساوية الحجم تقدرو توزنوهم الحجم اللي تحبوه عملتهم على شكل بيضوي ثم بسطتهم باليد ووضعتهم في الصواني تاع الفرن وطيبتهم في الفرن الساخن مسبقا حتى طابو جيدا من بعد خليتهم يبرد مليح

دهنت سطح الحبات بالبانسو بالمربى ورمدتهم في القوفريط اللي رابيتو وزينتهم بخطوط من الشكولا وحبيبات قوفريط صغيرة ووضعتها في ليكيسات والف صحة و عافية

صابلي ام وليد حلوة صابلي

مقاديرصابلي ام وليد حلوة صابلي

العجينة : (قيس عبر كأس = 240ملل)

• 250 غ مارغرين طرية
• 02 حبات بيض
• كأس سكر ناعم
• كأس زيت
• كيس خميرة الحلويات وزن 10 غ
• ملعقة صغيرة فانيلا
• فرينة

التزيين :

• معجون مشمس 
• شوكولا سوداء 

طريقة تحضيرصابلي ام وليد حلوة صابلي

نضع في إناء 250 غ مارغرين طرية وكأس سكر ناعم ونزيدلها كأس زيت و ملعقة صغيرة فانيلا ثم نضيف 02 حبات بيض و صفار بيض نخلط بالباتور أو باليد حتى يتجانس مليح نضيف شوية فرينة مع كيس خميرة كيميائية و العجينة جي طرية

شكل طابع صابلي :

نستعمل كيس بلاستيكي نرش بالفرينة ونحط فوقها العجينة ونديرها بين كيس و نحل بالحلال حوالي 5 ملل ونطبع بطابع تاع صابلي مغلوقين ومفتوحين

ونحط صابلي فوق سنيوة وندخلها للفرن يطيب من تحت فقط

نلصق واحدة فوق واحدة بالمعجون مشمس 🥫 وندي شوية معجون في الوسط

اما تزيين زينتها بالشوكولا 🍫 كنت ذوبتها من قبل على حمام مائي على شكل خطوط ⚟ أو تحبي تزيينيها بكاوكاو محمص و مرحي أو ترشي بسكر ناعم. بصحة والعافية يارب

 من وصفة حلوة صابلي لام وليد 

صابلي ام وليد بعجينة الصابلي

المكوّنات

• 150 غ زبدة
• كاس زيت
• 1/2 كاس سكر عادي
• 1/2 كاس سكر ناعم
• 4 حبات بيض
• 1/2 كاس نشاء
• ملعقة صغيرة فانيليا
• بشور الليمون
• ملعقة كبيرة مربى المشمش
• فرينة حسب الحاجة
• كيس خميرة كميائية

الخطوات

نضع الزبدة..الويت.. السكر نخفق..نضيف البيض...نشاء..المربى.. فانيليا..بشور..الفرينة مع الخميرة

نبسط العجينة في صنية مع ترك القليل من العجينة جانبا نسكبعلبة المربى كلها تم نااخد العجينة المتبقية ونضيف اليها الفرينة ثم نقومو ببرشها فوق المربى ندخلها الفرن مسخن مسبقا نتركها تستوي حتى تكتسب اللون الذهبي نقطعها مربعات

صابلي ام وليد  حلوة الترك والنيسلي 

مقاديرصابلي ام وليد  حلوة الترك والنيسلي

• 250 غ زبدة
• كاس سكر ناعم
• نصف كاس زيت
• 2 بيض
• كاس مايزينة
• الفرينة حسب الحاجة
• خميرة الحلوة
• 4 ملاعق كبار حلوة الترك
• م ص فاني
• علبة نسليه
• شوكولا

طريقة تحضير صابلي ام وليد  حلوة الترك والنيسلي

نضع الزبدة مع السكر حتى يبيض الخيط نزيد الزيت بلعقل والبيض حبة حبة حتى يتجانس الخليط ونزيد نفتت حلوة الترك مليح ونخلط ثم نضيف المواد الجافة والفرينة والخميرة حتى الحصول على عجينة طرية

نترك العجينة ترتاح في الثلاجة مدة ربع ساعة ونبسط العجينة ونطيبها حتى تأخذ اللون الذهبي نلسقها بالنسلي ونغطيها بالشوكولا والتزيين إختياري 

صورة الخطوة 2 من وصفة صابلي حلوة الترك والنيسلي 

صابلي ام وليد  حلوة الترك والنيسلي 

المكوّنات

• 250 غ مارغارين
• 2 بيض
• كأس سكر ناعم
• كأس مايزينة
• 1/3 كأس زيت
• 1/2 كيس خميرة كيميائية
• فرينة حسب الحاجة
• بشر الليمون
• كمية مربى

الخطوات

نخلط المارغارين، السكر، بشر الليمون والفانيلا، نضيف الزيت ونخلط ثم البيض ونخلط، بعدها المايزينة، الخميرة و الفرينة تدريجيا إلى أن نحصل على عجينة طرية.

نفتح العجينة بالحلال حسب السمك الذي تريدون ونطبع بطابع الصابلي. نضعها في صينية و ندخلها الفرن الساخن لمدة 10 دقائق.

نلصق الحبات بالمربى و تكون جاهزة.

صابلي ام وليد  باشكال مختلفة

المكوّنات

•  6 أشخاص
• 6 حبات بيض
• كاس سكر ناعم
• 500 غرام زبدة
• لافاني
• خميرة كميائية
• كاس مايزينة
• طوابع مختلفة
• للتزين شيكولا
• كوفيتير
• فرينة
• كاوكاو مرحي

الخطوات

اولا نحضر المكونات

للعجينة نضع البيض+ سكر ناعم+ مايزينة+لافاني+ فرينة + خميرة كمائية + فرينة حتان نتحصل على عجينة رطبة

نحل العجينة بالحلال بين كيسين تاع بلاستيك ونطبع مختلف اشكال لي عندي وندخلها طيب من تحت ثم فوق على نار هادئة

لما طيب الحلوة نحيها نخليها تبرد شوي باه ماتتكسرش وضع كل حبةمع حبة معليش ادا درت وحدة خشينة مع رقيقة ونلسقهم بالكوفيتير في الوسط

من بعد نزينهم كل شكل على حساب ذوقي

الشكل النهائي بالصحة والراحة تحيات حنونة 😚😘

لي شابة فهدا الوصفة،يقطع بزاف تا45 حبة ويعطيني شحال من شكل،ولبنا منحكيلكمش مام يذوب فالفم 😉

صابلي ام وليد حلوة الترك بدون بيض

هذا الصابلي يجي مرمل وطري بزاف تمسوه يتفتت ،بلا بيض راح يعجب لي عندهم حساسية من البيض ومكوناتو بسييييطة وبزاف ساهل ، منحكيش بزاف ونخليكم مع الوصفة

جربوها وقولولي راني نستنا 

المكوّنات

•  20 ح حسب الطابع
• 250 غ مارغرين طرية
• 4 ملاعق كبار حلوة الترك
• 2 ملاعق كبار كاكاو بني
• فرينة
• قرصة ملح
• 1/4 ملعقة صغيرة خميرة الحلوة
• للتركيب:
• 2 ملاعق كبار معجون
• من 4 إلى 5 ملاعق كبار حلوة الترك

التزيين :

• 200 غ شوكولاطة بالحليب
• 50 غ شوكولا بيضاء
• ورد الشوش
• 2 ملاعق كبار زيت نباتي

الخطوات

في وعاء نضع المكونات مع بعض ونخلطهم جيدا ماعدا الفريون والخميرة حتى نتحصل على خليط كريمي ثم نضيف الفرينة بالتدريج مع الخمارة حتى نتحصل على عجينة متماسكة وطرية. نبسط العجينة فوق غلاف شفاف ونطبعها بأي طابع حسب الرغبة وندخلها الفرن 180د متغفلوش عليها تنشف ثم ثم لأنو فيها الكاكاو وبعد ما أطيب نخلوها تبرد تماما لازم تبرد لخاطر هشيشة وإذا مسيتوها راح تتكسر سايسوها ومتمسوهاش

في وعاء نخلط حلوة الترك 4 ملاعق ونضيف لهم 2 ملاعق مربى حسب الذوق ونخلطو جيدا حتى الحصول على خليط كريمي نلسقو بيه الصابلي حبة فوق حبة

التزيين: في حمام مائي نذوب الشوكولا في كل 100 غ نضيفو ملعقة زيت يعني 2ملاعق زيت في200غ شوكولا ونقلاصيو بيها الحلوة وللحصول على شكل القلوب البيضاء الصغيرة نذوبو شوكولا بيضاء ايضا بدون إضافات واذا قعدت عاقدة بزاف ضيفولها الزيت فقط حتى تولي سائلة وسهلة الإستعمال وفور وضع الشوكولا البنة او السوداء حسب الرغبة نضع 3 نقاط من الشوكولا البيضاء ونمشيهم بالكيغدو

من النقطة الأولى حتى النقطة 3 بسرعة قبل ما تنشف ونضع في الجانب القليل من ورق الشوش

او لكم حرية التزيين ، نخلوها فوق شباك تنشف او صينية بيها غلاف بلاستيكي باش تساعدكم كي تكونو راح تنحوها كيما فالصورة

كي تنشف ننزع الزوائد من الشوكولا ونضعها في كيسات أيضا حسب الرغبة

صابلي ام وليد حلوى ببقايا الصابلي

المكوّنات

• 4 كيلات صابلي مرحي
• 2 كيلات جلجلان محمص
• كيلة قوقاو محمص ومرحي
• كيلة جوز هند محمص
• علبة حلوة الترك
• ملعقة كبيرة مارغرين طرية
• ملعقتين كبار كراميل
• 5 كبار ملاعق عسل

الخطوات

نضع الصابلي وجوز الهند والمارغرين وكيلة من الجلجلان والقاوقاو وحلوة الترك والكاراميل نخلط الكل مع بعض ثم نلمها بالعسل

نعملها كويرات ونرمدها في الجلجلان

صابلي ام وليد حلوى

المكوّنات

• 500 غ زبدة لا بيل
• كأس إلا ربع سكر ناعم
• 2 بيض
• رشة ملح
• ملعقة صغيرة فانيليا سائله
• 1 خميرة الحلويات
• فرينة حسب الحاجة
• مربي المشمش
• 2 ملاعق كبار ماء الزهر
• توفيا كراميل

الخطوات

في إيناء نفرغ الزبدة تكون طرية ونزيدلها السكر ورشة الملح والبيض والفانيليا نخلطهم بالباتور جيدا وممكن باليد أيضا ،بعدها نزيد الفرينة والخميرة حتان تتلم العجينة نخليها ترتاح 30د الى ساعة.

نفرش شكارة تاع بلاستيك ونحل العجينة (باه يسهل عليا رفع الحبات) بسمك 1سم ونطبع الشكل لي حبيت نحطهم في البلاطو وندخلهم يطيبو بعد مايبرد نرش القليل من السكر الناعم فوق الحبات وبعدها نلسقو بالمربى وشوية ماء الزهر والنصف الاخر بالتوفيا كاراميل.

صابلي ام وليد  البومبينو

المكوّنات

• 300 غ زبدة طرية نخدم بصول
• كاس ك سكر ناعم
• فنجان او نصف كاس ك زيت
• زوج بيض وزوج صفار
• غرفية قطايف محمصة في الكوشة
• غرفية كاوكاو مقلي ومرحي
• م ك بات اروم بخاليني
• فرينة واحدة خمارة الحلوى

التزيين معجون قطايف شوكولاته

الحشو معجون وكوكاو وحلوة ترك

الحشو:

قطايف ونتيلا وحلوة الترك

كاس مايزينة (نشاء)في لبات

الخطوات

نخدم الزبدة مع السكر والزيت نضيف البيض والصفار وعطر البخاليني ينباع 100دج يجي تقيل

شوفي الصورة منبعد ضيفي الكوكاو القطايف والمايزينة ولمي بالفرينة ضيفي خمارة نوارة وقرصة الملح وكملي طمي بالفرينة لبات طرية

ديري بلاستيك شفاف باش يسهلك الخدمة وتورقي عليه وقطعي لصابلي وطيبيهم في فرن مسخن كيحمارو خرجيهم

كتبرد الحلوى لصقي زوج مع بعض وطلي الجوانب ورمديهم في قطايف مقليين وحكمي مول السيلكون بونبينو طليهم بالشوكولاته طلية مليحة ودخليهم المجمد

كتخرجيهم وجدي زوج تع الحشو الاول فيه كاوكاو حلوة الترك وتلمي بالمعجون وديري ملعقة صغيرة بات اروم بيسطاج

وتعمري قد ملعقة صغيرة والحشو التاني ديري كمية تع قطايف وحلوة الترك وتلمي بنتيلا صنع منزلي ومنبعد الحبة تع الصابلي من لفوق ديري شوي شوكولاته دائبة وحطي حبة البومبينو والتزيين الاخير خطوط رقيقة بشكولا ذائبة وبالصحة

هاد القاطو للافراح للاعياد والمناسبات وربي يفرح كل مومن

أسرار نجاح صابلي ام وليد مكتوبة

1)- ليدام او الزيوت بالمعنى زبدة / زيت :

* يجب احترام المقادير :

الكيلة لي فيها : 250 غ زبدة تحتاج :125 غ سكر + صفار بيضة +بيضةكاملة + نصف باكي خميرة+ فاني+ فرينة .

الكيلة لي فيها : 500 غ زبدة ، تحتاج : 250غ سكر + 2-3 صفار + 2 بيضة كاملة+ باكي خميرة+ فرينة.

عجينة الصابلي عندها مقادير مضبوطة حيث :

*كمية المرغرين تكون نصف كمية الفرينة و كمية السكر هي نص كمية المرغرين.

يعني اذا درتي باكي مرغرين تاع 250 غ يعني تستعملي 500 غ فرينة و 125 غ سكر هاذي مقادير تقريبية وعمومية

ممكن تزيدي و لا تنقصي شوية الفرينة على حساب واش تاكلك العجينة بصح هذا هو المبدأ تاع الصابلي

2)- البيض...في القاطو صفار البيض يهشش العجينة و البياض ييبسها

علي هذا و اذا حبيتي يجيك هشيش بزاف استعملي صفار البيض باش اطمي لعجينة احسن ما تستعملي بيضة كومبلي يعني.. 250 غ مرغرين لازملها 2 حبات بيض... أنت في عوض أديري 2 حبات كاملين... ديري 2 صفار و حبة كاملة...

او تستغناي علا البياض نهائيا

3)- المايزينة.... تقدري أتلمي العجينة بالفرينة وحدها و تجي مليحة بصح كي تزيديلها شوية مايزينة تجي هشيشة بزاف... يعني اذا حبيتي الصابلي تاعك يجي يقرمش شوية ديري الفرينة وحدها و اذا حبيتيها تجي مرملة كيما الغريبية زيديلها مايزينة...هاذي مسالة ذوق انا مرات نديرو بالفرينة وحدها و مرات نزيدلها مايزينة يعني القوام أللي يتبدل برك

4)- الزيت.... حنونة اذا زدتي شوية زيت رح يجيك الصابلي محمر، بحيث:

الكيلة تاع 500 غ زبدة ضيفي في العجينة نص كأس زيت.

الكيلة تاع 250 غ زبدة ضيفي في العجينة 2 مغارف زيت.

5)- السكر.. حبيبتي استعملي السكر الرطب ڨلاصي أحسن وافضل، لأن السكر العادي يبس العجينة، وريقلي السكر في الاضافات ضرك تفهميني،

6)- الاضافات:

حنونة نضيف في صابلي تاعي وش نبغي:

زبيب مفور، حلقوم مقطع صغير، كاوكاو ، جلجلان، مكسرات علا العموم،بودرة كاكاو وملونات غذائية، قهوة ، نيسكافيه، شامية ، عسل، باطة فلان ، واكيد النكهات لي غوم يعطوك لون وذوق وريحة.. طبعا رح نوضح:

كيلة 500غ زبدة نضيف كأس من الإضافات.

كيلة 250غ زبدة نضيف نصف كأس من الإضافات.

نقدر نعوض مثلا في العجينة بلاصة السكر فلان او عسل طبعا مرات حبة قاطو متقدريش تاكليها من حلاوتها ، حبيباتي نحن معرضين للاصابة بامراض بسبة الملح زايد وسكر زايد ريقلو السكر ونقصوه أنا شخصيا اذا رح نغلف الصابلي بشكولاطة أو طلية نقص سكر في العجينة ، اذا رح نلصقو بكريمات حلوة أيضا نقص في العجينة

7)- الخميرة:

كيلة 500غ زبدة تحتاجي 1 باكي خميرة.

كيلة 250غ زبدة تحتاجي نص باكي خميرة .

حنونة اذا كان عندك صابلي بريستيج وتحتاجي الصابلي يجيك قد شكولاطة بريستيج اما تستغناي علا الخميرة أو :

كيلة 500غ زبدة ديري نص باكي خميرة.

كيلة 250غ زبدة تحتاجي رشة فقط.

في أغلب الاحيان نستغنى عليها

8)- حبيبتي لما تلمي العجينة ما تعجنيهاش لميها برك.و لازم تخليها طرية ...هذا ثاني مبدا في القاطو... عجينة تلميها طرية مي تطيب تجيك طرية و اذا لميتيها يابسة أكيد في الفور تيبس أكثر ...علي هاذي قلتلك في الصابلي ديما كيلي الفرينة تكون دوبل كمية ليدام سيريها مليح و حطيها قدامك باش ما تفوتيش هاذ الكمية

* إذا صابلي سامبل خليها طرية

* إذا صابلي سيليكون خليها تتلاصق ولما تجي تحطيها في المول بللي يدك بالزيت وكوريها رطبيها وحطيها فيه .. متضغطيش لو ضغطتي تجيك مصموتة ومتطيبش تقعد خضراء من داخل ومتعمريش المول فيها الخميرة رح تطلع وتخرجلك علا المول.

9)- لما تلمي العجينة مذابيك غلفيها بسيلوفان و ترتاح في الفريجيدار من 15-30 دقيقة تجيك ساهلة ورطبة

10)- لما تحلي العجينة تاعك من الاحسن تحليها فوق ساشي باش ما ديريش الفرينة باسكو كيما قلتلك كمية ليدام في الصابلي محسوبة لوكان تحليها بفرينة بزاف قادرة تنشفي لعجينة و تجيك يابسة

11)- حبيبتي فرشي ورق الطهي رح يسهلك المهمة او رشي فرينة لكن لما يطيب الصابلي مذابيك تنفظيه مليح علا خاطر مش رح يلصق مليح

12)- متحمريش الصابلي رح يجي يابس خليه أبيض احسن شيء، ثم خبيه في علبة محكمة الاغلاق .. من الاحسن ماتلصقيهش وهو ساخن رح يشرب الكريمة او الكونفيتير وتختفي طبقة هاذي،

13)- كريمات التلصيق أيضا مذا بيك يكونو باردين، كريمة الزبدة، كونفيتير كرام شانتيي نيسلي كراميل ، حليب محلى وحتى توفيا،

14)- حبيبتي انتبهي لانك تلصقي الصابلي بكريمة فيها بيض مدة الاستهلاك ماتتعداش 10 ايام في الفريجيدار يولي اخضر ويسبب تسمم

15)- بالنسبة للصابلي المرشوش بالسكر رطب أنا شخصيا نطيب شاربات ( كأس سكر وكأس ماء وشريحة ليمون يغلو 5 دقاىق) وهو دافيء نمسح بيه سطح الصابلي ونرش سكر رشة خفيفة ونعاود مرة اخرى فوقها،

16)- بالنسبة للمشكل تاع صابلي نحطو فوق بعض يروح سكر ؟؟؟؟ طبعا حبيبتي ننصحك ترتبيه وتحطي فوقو ورقة عادية تزيدي طبقة قاطو وفوقها ورقة اخرى،

■الوصفة المعتمدة دائما وأبدا 500غ زبدة+ كأس ونص سكر رطب+ 3 صفار بيض + بيضة كاملة+ كاس مايزينة+ نص كاس زيت+ باكي خميرة (في صابلي سيليكون نزيد باكي ونص ، في صابلي برستيج ندير نص باكي) ونزيد كأس من الاضافات ونلم بالفرينة .تحياتي

تعديل المقال