العجينة السحرية La pâte magique
العجينه السحريه لجميع الاستعمالات ، وشوفو الصور تقدرو تتفنو في استعمالها، 
هنا المقادير : كأس حليب دافئ + كأس ماء دافئ+ بيضة + نصف كأس زيت + ملعقة كبيرة خميرة الخبز + كيس خميرة الحلوى+ ملعقتين سكر وملح وفرينة.
استعمالات العجينة السحرية La pâte magique :
* إذا كانت لخبز دار نخليها شبه سائلة كيما تع البغرير يعني منكثرش الفرينة.
- إذا كان إستعمالها للقهوة نقدر نضيف سكر ونحشيها شكولاطة مربى كريمة....
- إذا كانت إستعمالها مالح نزيد توابل نزيد حشوة زيتون شرائح جبن
- نقدر نلونها بالكاكاو.
- نقدر نحتفظ بيها لمدة شهر في المجمد، ويومين في الثلاجة..
- ضيفي مغرف سمن للعجينة تجي مقرمشة.
- ضيفي ملعقة خل للعجينة تجي خفيفة.
حبيبتي ماتنسايش هنا قلت كأس ماء وكأس حليب: اذا عندك عوضي كاس الماء بكاس اخر حليب، او كأس كريمة سائلة ، أو ياؤورت سواء طبيعي أو ياؤورت عادي لكي الإختيار ولكي الذوق طبعا حسب الإمكانيات..
الطريقة : في إناء ضعي كأس الحليب وكأس الماء الدافئين ضيفي الخميرتين والسكر الزيت والبيضة واضربي بالمضرب اليدوي لافوي، لما يختلطو مليح ضيفي زاست او اي اضافات من السابقين واضيفي الفرينة بشوية اثناء ذلك ضيفي الملح واعجني بيدك تكون طرية ، اعجنيها جيدا ثم ، غطيهاواتركيها تختمر لنصف ساعة، ثم شكليها ، او احشيها وضعيها في قالب الفرن ، وادهني السطح بالبيض او البيتزا بصلصة الطماطم ، هنا اتركيها 10 دقائق واشعلي الفرن تختمر مرة اخرى ثم ادخليها الفرن لتطهى،
بيتزا، سوفلي، بريوش، خلية النحل، خبز الدار مملحات ، خبيزات محشيين ،خبز الزيتون.....
يا أغلى الناس، طلب صغير، اتفاعلوا تعيشوا باه نتشجع